Акылбек Арстанбеков тууралуу учкай маалымат:
Акылбек Арстанбеков 1965-жылдын 2-апрелинде Жалал-Абад облусуна караштуу Ноокен районунун Бүргөндү айылында туулган. 

Алгачкы билимин ошол кездеги Кыргыз ССРнин баш калаасы Фрунзе шаарындагы Финансы-экономикалык техникумунан алган. Андан кийин, 1987-жылы Россиянын Ярославль шаарындагы Жогорку Аскер-финансы окуу жайына тапшырган. 2005-жылы Мамлекеттик юридика академиясына тапшырып, аны ийгиликтүү аяктаган. Ал “Эсепчи”, “Финансист-экономист” жана “Юрист” сыяктуу бир нече маанилүү жана турмушка керектүү кесиптердин ээси. 

Ошол эле учурда, Акылбек Арстанбеков 2-класстагы Мамлекеттик кызматтын мамлекеттик кеңешчиси класстык чинине татыган. Ал болсо, өз кезегинде генерал-лейтенант наамына барабар чин экендигин баса белгилеп кетүү зарыл.

Жогоруда ысымы аталган инсан Кыргызстандын тарыхында “эгемен, көз карандысыз” атыккан Жогорку Кеңештин үчүнчү чакырылышынын депутаты болгон. Ал жылдар 2006-2007-жылдарга туш келет. Мына ошондо Жогорку Кеңеш чындыгында көз карандысыз болуп, өзүнүн ыйгарым укуктарына жүктөлгөн бардык фунцияларын так аткарып, элге, жерге керектүү мыйзам долбоорлорду иштеп чыгуу менен алек болгон.
 
Ошол жылдары аткаруу бийлиги мыйзам чыгаруу палатасына үстөмдүгүн көрсөтүп, бийлик бутактарынын ортосундагы балансты жокко чыгаруу аракеттерин көрүшүп, 2007-жылы Жогорку Кеңеш таркатылып, аны менен бирге ыйгарым укуктарына киришкенге бир гана жыл болгон Акылбек Арстанбеков жүйөлүү себептерден улам алдыга койгон план, мерчемдерин аткара алган эмес.
 
Бирок, ага карабастан Акылбек Арстанбеков, депутаттык мандаты жок эле, ага ишеним көрсөтүп, Жогорку Кеңешке шайлап берген шайлоочуларын ар тараптуу колдоого алып, жардамын аябай келген. Ал үчүн анын шайлоочулары ушул күнгө чейин ага ыраазы.
 
Ошон үчүн ошондогу жетекчилиги, Акылбек Арстанбековдун элдин, журттун алдындагы кадырын эске алып ал адамды бир нече жооптуу кызматтарга дайындаганга туура келген.
Айтсак, ал иш тажрыйбасында Эсеп палатасы, Финансы чалгындоо кызматы, Коргоо министрлиги, Улуттук коопсуздук кызматы, Чек ара кызматы жана бир топ жооптуу кызматтарды аркалап, ийгиликтерге жетишкен. Анын өлкө алдындагы ат көтөргүс эмгеги убагында туура бааланып, ал бир топ Мамлекеттик сыйлыктар, наамдар менен сыйланган.


Акылбек Арстанбеков өзүнүн иш тажрыйбасында Россия Федерациясы, Украина, Өзбекстан жана Кыргызстандын бир топ аймактарында түрдүү жооптуу аскердик кызматтарда иштеген.
Алар: -СССРдин Жогорку Президиумунун буйругу менен “СССРдин куралдуу күчтөрүнүн 70 жылдыгы” юбилейлик медалы; 
-КР Коргоо министрлигинин буйругу менен “Кыргыз Республикасынын куралдуу күчтөрүнүн 10 жылдыгы” юбилейлик медалы; 
-2-даражадагы “Аскердик кызматтагы өзгөчөлүк” медалы; 
-“Чернобыль АЭСдеги катастрофаны эскерүүнүн 20 жылдыгы” төш белгиси; 
-Жогорку Кеңештин спикеринин буйругу менен “Жогорку Кеңештин 70 жылдыгы” юбилейлик медалы ж.б ондогон сыймыктуу төш белгилер, медалдар, ардак грамоталар менен сыйланган.
-УКМКнын Чек ара кызматынын Чек ара кызматташтыгын бекемдөө” медалы; 
-Ноокен районунун ардактуу атуулу ж.б КР министрлик жана ведомстволорунун, коомдук уюмдарынын 50дөн ашуун медаль жана төш белгилери менен сыйланган.

Кыргыз Республикасынын Жогорку Кеңешине №16 Ноокен шайлоо округу боюнча депутатыкка талапкер Арстанбеков Акылбек Советбековичтин программасы

-Бюджеттик каражаттардын чыгымдалышына катуу көзөмөлдү камсыз кылуу;

- Саламаттыкты сактоо, билим берүү жана маданият кызматкерлеринин эмгек акысын жогорулатууну камсыз кылуу;

- Пенсионерлердин жана калктын социалдык жактан корголбогон башка катмарларынын жыргалчылыгын жакшыртууга умтулуу;

- Ноокен районунун ар бир үй -бүлөсүн "Таза суу" менен камсыз кылуу;

- Сугат жерлеринин аянтын көбөйтүү;

- Ирригациялык системаларды модернизациялоо программасын түзүү;

- Нарын дарыясынан суу алуу менен Жалал-Абад облусунун "Нарын"-"Майлы-Сай"-"Кара-Үңгүр" аралыгында жерлерди өздөштүрүү жана өнүктүрүү боюнча долбоорду ишке ашыруу;

- Дыйкандарга айыл чарба продукциясын өстүрүү жана аны сатуу үчүн шарттарды түзүү;
- Агроөнөр жай ишканаларын түзүү (кайра иштетүүчү заводдор, консерва заводдору, муздаткычтар, МТСтер ж.б.);

- Жерди өнүктүрүү долбоорун ишке ашыруу аркылуу кеминде 10 000 (он миң) жумуш ордун түзүү жана камсыз кылуу;

- Мамлекеттик пенсия менен камсыздоонун милдеттүү топтолуучу компонентин аң -сезимдүү жана эффективдүү башкаруу жана ыктыярдуу топтолуучу пенсиялык системанын мүмкүнчүлүктөрүн колдонуу аркылуу жарандардын татыктуу пенсиялык камсыздоого болгон укуктарын ишке ашырууда социалдык адилеттүүлүктү камсыз кылуу.